Tirana ditën e sotme u zgjua me një lajm të rëndë, një 47-vjeçar u hodh nga kati i tretë i spitalit të Traumës ku ishte shtruar për mjekim natën e djeshme. Siç është konfirmuar nga policia 47-vjeçari, M.H., humbi jetën si pasojë e plagëve të rënda.
Ngjarja ka ndodhur rreth orës 05:30 të mëngjesit.
Siç bën me dije policia ky person ishte shtruar mbrëmjen e djeshme në spital pasi ishte vetëplagosur me thikë, në Tepelenë.
Famljarët kanë deklaruar se ai vuante probleme të shëndetit mendor, ndërsa dhe më parë kishte tentuar vetëvrasjen.
Njoftimi i policisë:
Më datë 25.02.2024, rreth orës 05:30, dyshohet se është vetëhedhur nga kati i 3-të i Spitalit të Traumës, shtetasi M. H., 47 vjeç, i cili si pasojë e dëmtime të marra ka ndërruar jetë.
Ky shtetas është paraqitur për ndihmë mjekësore në spital, më datë 24.02.2024, rreth orës 12:00, pasi është vetëplagosur me mjet prerës thikë, në Tepelenë.
47-vjeçari vuante nga probleme të shëndetit mendor, dhe sipas deklarimeve të familjarëve ka tentuar të vetëvritet dhe më parë.
