Gjykata e Posaçme ka shtyrë për në datë 5 Mars vendimin për Fredi Belerin. Prokuroria, SPAK-u kërkoi 2.6 vite burg, gjykata dëgjoi sot mbrojtjen dhe pas 6 ditësh do të japë vendimin. Avokati i Belerit tha se prokuroria ka montuar procesin.
“Ne nuk mund të sjellim prova për pafajësinë, ata duhet të sjellin prova për të kundërtën. Procesi ishte i montuar dhe pa prova. Prokuroria kishte përdorur vetëm dy tabulate nga telefoni i Arsen Ramën, por pas insistimit tonë në 30 Janar na janë dhënë kodet e tabulateve, ku me një hetim kemi provuar se nuk ka qenë në Vlorë. Ishte hetim i nisur nga policia, që tërhoqi prokurorinë dhe SPAK-ut” tha ai.
Fredi Beleri është arrestuar në datë 12 Maj të vitit të kaluar për blerje votash në Himarë, bashki të cilën e fitoi nga burgu.
