Varhelyi thumbon Greqinë: Shqipëria gati të hapë negociatat, nuk duhet të pengoni njëri-tjetrin

A do lejojë BE Greqinë që të bëhet pengesë për integrimin e Shqipërisë?

Varhelyi: Veprat tuaja kanë treguar çfarë keni arritur. Mos harroni ku ishit në tetor 2018. E ku jeni tani. Jemi të dakordësuar në Bruksel se Shqipëria është gati të hapë grupi-kapitullin e parë.

Unë nuk kuptoj pse nuk e marrim dot këtë vendim. Edhe pse kuptoj rëndësinë e marrëdhënieve të mirë me fqinjët, që nuk ndërtohen nëse pengon tjetrin të ecë para. Shpresoj që në muajt në vijim të kalojmë tek negociatat sepse duam të hapim grup negociatat e para.

Rama: Ne punojmë çdo ditë me komisionin si të ishim duke negociuar gjithçka që duhet negociuar zyrtarisht në këtë fazë. Kjo nënkupton që po bëjmë punën. Komisioneri po na ndihmon për të kuptuar se për çfarë duhet të jemi gati. Jemi të kënaqur me rezultatet e modelit të inteligjencës artificiale që kemi ndërtuar. Kur procesi të hyjë në fazën tjetër, do të jemi më të përparuar. Në planin e ri të rritjes, ka tregues të qartë për atë çka duhet të bëjmë së brendshmi. Është çështje tjetër nëse dikush na pëlqen apo jo