Dy punonjës të një kompanie janë arrestuar ditën e sotme për punime të pa ligjshme në Lumin Mat, Kurbin. Ata u kapën në flagrancë duke gërryer shtratin e lumit në mënyrë të paligjshme.
Në kërkim nga policia është shpallur administratori i firmës ndërsa në pranga kanë rënë Rexhep Shabani, 57-vjeç dhe Albert Dodaj, 59 vjeç, dy punonjës të kompanisë të cilët u kapën gjatë aktivitetit të pa ligjshëm.
Gjatë kontrolleve, shërbimet e Policisë kanë gjetur dhe sekuestruar në cilësinë e provës materiale 12 mjete të rënda (5 kamionë, 3 ekskavatorë, 2 fadroma dhe 2 impiante përpunimi inertesh) që i shërbenin kësaj veprimtarie të kundërligjshme.
