Kreu i grupit parlamentar të Partisë Demokratike, Gazment Bardhi pas lajmit se po zhvillon negociata të fshehta me kreun e Grupit Parlamentar të PS-së, Bledi Çuçi për të zgjidhur krizën në parlament. Bardhi nuk e mohoi, por tha se nuk ka asnjë kulisë.
“Nuk ka asgjë sekrete në qëndrimin e PD që nga dita e parë që vullneti ynë ka qenë për një parlament që funksionon. Kemi qenë për dialog me mazhorancën, por me një kusht që është respektimi i Kushtetutës. A po negocioj me organet brenda parlamentit për funksionimin normal të tyre? E kam bërë nga dita e parë dhe do të vazhdoj ta bëj.
Nuk ka kulisa. Nuk ka kulisa mbrapa. Beteja që po bëjmë ne është betejë për të drejtat e opozitës. Është betejë për komisionet hetimore dhe jo që të marrim ne ndonjë gjë. Janë të drejta kushtetuese të opozitës që opozita po lufton për t’i fituar. Është në vullnetin e mazhornacës që të respektojë të drejtat e opozitës” – tha Bardhi në Opinion.
