Nënkryetares së Komunës së Zveçanit, Natasha Tomaniç, sipas mediave në Kosovë i janë djegur dy lokale të cilat ndodhen ngjitur me njëri-tjetrin në qendër të Zveçanit. Rasti ka ndodhur në orët e para të së premtes. Sipas raportit të Policisë Tomaniç ka thënë se dyshon që zjarri i është vënë qëllimshëm nga persona të dyshuar.
“Ankuesja femër kosovare ka informuar se persona të panjohur i kanë vënë zjarrin butikut të saj, zjarrfikësit kanë shuar zjarrin. Lidhur me rastin ankuesja dyshon se zjarri i është vënë qëllimshëm nga persona të dyshuar. Sipas ankueses, vlera e dëmit është e lartë. Rasti është duke u hetuar”, thuhet në raportin e Policisë.
