Mediat gjermane publikojnë detaje të reja rreth vrasjes së boksierit shqiptar Besar Nimani mbrëmjen e së shtunës. Në një prononcim për Paparacin vëllai i viktimës, Berat Nimani thotë se Besari u qëllua në rrugë derisa po shkonte në një organizim për përvjetorin e vdekjes së shokut të tij.
“Kur ka ndodh rasti Besari i ka sjell fëmijët dhe bashkëshorten te unë, pastaj ka dal në qytet për të shku në përvjetorin e vdekjes së një shokut të tij, gjatë rrugës ka shku me marr një shok tjetër në lokal ndërsa tre persona e kanë pritur në rrugë dy nga të cilët e kanë qëlluar Besarin”, tha Nimani.
“Para tre viteve njëri nga të dyshuarit kishte hyrë në lokalin e Besarit, dhe kanë pasur një debat aty, Besari e ka qitur jashtë lokalit”, shtoi ai. Ndërkaq sipas Nimanit njëri nga të dyshuarit është dorëzuar në polici, ndërsa dy të tjerët janë në arrati. Në njoftimin e policisë gjermane thuhet se operacion i madh policor është duke u zhvilluar aktualisht në zonën e qytetit Bielefeld derisa vijon kërkimi për autorin/autorët.
E ‘sharruan’ me plumba! E shkuara e dyshimtë e boksierit shqiptar
