Agron Puka, 54-vjeçari i cili mbeti i plagosur nga një atentate me armë zjarri të mërkurën në Lezhë, i është caktuar masa e sigurisë në burg pa afat.
Masa e sigurisë i është komunikuar në Spitalin e Traumës në Tiranë, ku ai po merr trajtimin mjekësor që prej ditës kur ndodhi sulmi.
Ngjarja e rëndë ndodhi para shkollës 9-vjeçare “Marash Gjoni” në Rrilë, ku 54-vjeçari sapo kishe lënë fëmijët e tij. Pak metra më tej një makinë me 3 persona u afrua pranë mjetit që po drejtonte Puka duke hapur zjarr si dhe duke e lënë të plagosur.
Nga hetimet rezultoi se dhe Puka i ishte përgjigjur sulmit, duke qëlluar ndaj 3 autorëve po me armë zjarri për të cilën Puka ka deklaruar se e ka bërë për vetëmbrojtje.
Deri më tani të dyshuarit janë Vinçens Tuku, Amarildo Kola dhe Kevin Ndoka. Ata dyshohet se kanë pasur një konflikt me 54-vjeçarin, ndërsa janë shpallur në kërkim nga policia.
