Në lidhje me aksidentin e mëngjesit të sotëm ku një autobus i linjës së Unazës, ‘Green Line’ humbi kontrollin dhe përfundoj jashtë rruge. Një aksident që nuk solli të lënduar po vetëm dëme materiale.
Policia ka dhënë detaje të tjera në lidhje me shkaqet e aksidentit ku bën me dije se shoferi i autobusit nuk ishte ndjerë mirë nga ana shëndetësore dhe ka humbur kontrollin e mjetit. Ai është dërguar për ndihmë mjekësore në spital.
FOTO/ Autobusi i ‘Green Line’ merr para shtyllën dhe motorin
“Më datë 10.03.2024, rreth orës 09:30, në rrugën “Ferit Xhajko”, shtetasi E. C., duke drejtuar autobusin e linjës së Unazës, dyshohet se nuk është ndjerë mirë nga ana shëndësore, ka humbur kontrollin mbi drejtimin e autobusit, dhe është përplasur me një pemë dhe me një motomjet të parkuar. Shtetasi E. C., po merr ndihmë mjekësore në spital.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale” njofton policia.
