Hapja e bazës ushtarake e NATO-s në Kuçovë duket se nuk është pritur aspak mirë nga Moska. Një lajm i cili fillimisht nuk mori shumë bujë në Rusi, por tani mediat më në zë kanë filluar të kthejnë vëmendjen.
Televizioni “Vesti” ka publikuar ditën e sotme një artikull të gjatë ku risjellin në mendje ndihmat që Bashkimi Sovjetik ka dhënë ndaj Shqipërisë. Një mënyrë e cila tregon qartë dhe inatin se baza e Kuçovës, e krijuar për ti ardhur në ndihmë sovjetikëve, sot po përdoret nga NATO.
“Shqipërinë është një vend shumë i vogël në perëndim të Gadishullit Ballkanik. Mbijeton në prag të varfërisë. Vendi është shumë dobët i zhvilluar… Por pozicioni strategjik për NATO-n është i paçmuar.
Zhvillimi i vërtetë ushtarak i Shqipërisë nga blloku i Atlantikut të Veriut po ndodh tani.
Stalini do të kthehej nga varri i tij nëse do ta dinte se e njëjta Shqipëri, në të cilën ai lakmonte, sot, në mënyrë figurative, po shkelet nën çizmet e NATO-s. Në fund të fundit, Bashkimi Sovjetik e furnizoi Shqipërinë me gjithçka pa pagesë – nga ndërtimi i dhjetëra fabrikave, spitaleve, shkollave dhe vetëm banesave deri te një aeroport për një bazë ushtarake dhe një bazë detare gjithashtu” shkruan “Vesti”.
Në artikullin e kësaj media flitet dhe për raportet që Henver Hoxha me sovjetikët, ku përmendet vizita e Hrushovit në Pasha-Liman.
“Me Enver Hoxhën u takuam në bazën detare Pasha-Liman, të ndërtuar me ndihmën e BRSS, ku tashmë ishin vendosur deri në një duzinë nëndetëse tona. Hrushovi e nënvlerësoi qartë sherrin kërcënuese. Ai ishte shumë më i magjepsur nga perspektiva. “I mrekullueshëm, i mrekullueshëm! Çfarë gjiri i besueshëm në këmbët e këtyre maleve! Nëse stacionojmë një flotë të fuqishme këtu, i gjithë Deti Mesdhe nga Bosfori deri në Gjibraltari do të jetë në duart tona! Ne mund ta shtrëngojmë këdo në grusht” shkruhet në artikull.
