Zbardhen detaje të reja për boksierin e njohur shqiptar, Besar Nimani, që u ekzekutua në mënyrë mafioze në Gjermani gjatë fundjavës. Sipas mediave, vitin e kaluar ai ishte arrestuar pasi ishte kapur me armë të paligjshme zjarri.
Nimani ishte justifikuar duke thënë se armët po i mbante për të mbrojtur familjen e tij. Gazeta BILD shkruan se edhe dhjetë vjet më parë, Nimani ishte përfshirë në një përplasje të armatosur.
Boksieri nga Kosova ishte vendosur në Gjermani në vitin 1997. Ai kishte fituar 26 nga 27 ndeshje që kishte zhvilluar, duke mbajtur edhe një titull kampion Europe. Ai u vra teksa po dilte nga një restorant në Bielefeld.
‘Qeshëm shumë’! Rrëfimi i shokut dhe trajnerit për vrasjen e boksierit shqiptar
