Një ngjarje e rëndë ka ndodhur ditën e sotme në fshatin Çiflik në bashkinë Dimal, ku një 60-vjeçar i ka dhënë fund jetës së tij duke pirë 3 kokrra fotoksinë.
Viktima Irfan Çela, është gjetur në gjendje të rëndë nga familjarët e tij në banesën ku jetonte dhe është dërguar drejt Spitalit Rajonal Berat. Gjendja shëndetësore e 60-vjeçari ishte tepër e rënduar nga helmi dhe mjekët nuk mundën të bënin asgjë për të parandaluar tragjedinë.
Ai ka ndërruar jetë rreth orës 13:00, disa minuta pas mbërritjes në spital. Trupi i tij i pajetë është transportuar në morg, ku do kryhet ekspertiza mjeko-ligjore.
Burimet bëjnë me dije se Irfan Çela jetonte i vetëm, që prej ndarjes nga gruaja disa vite më parë, gjithashtu mësohet se prej disa kohësh ai kishte shfaqur probleme psikologjike. Ky është dhe shkaku që besohet se e ka shtyrë atë drejt pirjes së helmit.