Kreu i opozitës ruse i cili ndërroi jetë muajin e kaluar në burg, Alexei Navalny ishte vendosur të shkëmbehej me disa të burgosur në Perëndim.
Këtë gjë e ka deklaruar vetë Presidenti Vladimir Putin.
I pyetur nga gazetarët pas fitores së tij në këto zgjedhje ai tha se disa nga kolegët e tij e kishin hedhur këtë idenë e shkëmbimit të të burgosurve.
“Personi që foli me mua nuk e mbaroi as fjalinë. Unë thashë “Jam dakord”. Por ndodhi ajo që ndodhi”, u shpreh Putin.
Putin vuri në dukje se kushti i vetëm për shkëmbimin do të kishte qenë që Navalny të mos kthehej në Rusi dhe të qëndronte në Perëndim.
Aktivisti vdiq në shkurt në burgun Polar Wolf brenda Rrethit Arktik, ku po vuante një dënim për një sërë akuzash.
