SPAK ka çuar ditën e sotme në GJKKO kërkesën për rivlerësim të masave të sigurisë të caktuara nga Gjykata e Fierit për shpërthimin tragjik në Lushnjë. Shpërthim i cili ndodhi 2 javë më parë në biznesin e deputetit Bujar Çela, ku mbetën të vdekur dy punonjësit babë e bir.
Shumica e personave të cilët janë nën akuza janë lënë pa masë sigurie, përveç asaj të pezullimit nga detyra. I vetmi i arrestuar është Leonardo Gjini, kompania e këtij të fundit kishte marrë përsipër puimet.
Të paktën deri në këtë fazë nuk ka akuzë zyrtare ndaj deputetit nga ana e SPAK, apo ndonjë kërkesë të bërë të njohur drejtuar kuvendit. Prokuroria e Fierit pretendoi se ka elementë të veprës penale edhe nga deputeti socialist dhe për këtë arsye shpallën moskompetencën.
