Kryetari i Partisë së Lirisë Ilir Meta ka folur çështjen e Portit të Durrësit teksa ka shpërndarë një video të deputetes Erisa Xhixho.
Meta është shprehur se Rama premtoi zero investim nga Buxheti i Shtetit ndërkohë do të japë 100 milionë dollarë.
Në mbyllje të statusit të tij kryetari i Partisë së Lirisë u shpreh se qëllimi i “Rilindjes” janë oligarkët dhe klientët e saj.
Postimi i plotë:
Qeveria do të japë 100 milion dollarë për mega aferën e Portit të Durrësit, për të cilën premtoi zero investim nga Buxheti i Shtetit, ndërkohë nuk ka parashikuar asnjë qindarkë për rritjen e pensioneve dhe pagave të mësuesve.
Qëllimi i vetëm madhor i “Rilindjes” është vjedhja e taksave, janë oligarkët dhe klientët e saj, ndaj sot pensionistët nuk shtyjnë dot muajin me pensionet dramatike, ndërsa mësuesit mezi përballojnë koston e lartë të jetesës me pagat më të ulta në rajon.
