Ish-kryediplomati i Shqipërisë, Dimtir Bushati ka reaguar pas deklaratave të Presidentit të Serbisë i cili shprehu se Serbia mund të largohet nga Këshilli i Evropës nëse do të antarsohet edhe Kosova.
Bushati është shprehur se kjo është një retorikë e cila shkon në kundërshtim me marrëveshjet e Bashkimit Evropian.
“Kjo retorikë shkon në kundërshtim me marrëveshjet e Bashkimit Evropian, sipas të cilave Serbia nuk do të kundërshtojë anëtarësimin e Kosovës në asnjë organizatë ndërkombëtare. Duke tërhequr paralele me Rusinë dhe duke kërcënuar me largim nga Këshilli i Evropës që kontribuon në mbrojtjen e të drejtave të njeriut nuk është e dobishme as për Serbinë dhe as për minoritetin serb në Kosovë”, ka shkruar Bushati.