Ish-kancelari gjerman Gerhard Schroeder ka ofruar ndihmën e tij si ndërmjetësues për t’i dhënë fund luftës mes Rusisë dhe Ukrainës.
Teksa theksoi miqësinë e tij me presidentin rus Vladimir Putin, ish-kancelari u shpreh se kjo mund të jetë një zgjedhje për të dyja palët.
Schroeder theksoi se ishte një gabim nëse do të lihej në harresë gjërat pozitive që kanë ndodhur mes marrëdhënieve të Gjermanisë dhe Rusisë në të shkuarën.
“Ne kemi punuar së bashku në mënyrë të arsyeshme për shumë vite. Ndoshta kjo mund të ndihmojë ende për të gjetur një zgjidhje të negociuar, nuk shoh rrugë tjetër.
Është gabim të harrosh të gjitha gjërat pozitive që kanë ndodhur midis Gjermanisë dhe Rusisë në politikë në të kaluarën.
Nuk është stili im dhe nuk e bëj,”– u shpreh ish-kancelari.
