Futbolli italian ka hyrë në një periudhë të vështirë, ku përpjekjet për rikthim në nivele të larta janë penguar nga disa dështime të rënda.
Pas dështimit për herë të tretë radhazi për t’u kualifikuar në Botëror, Italia tani është përballur edhe me humbjen e ekipeve të saj nga kompeticionet evropiane.
Bologna dhe Fiorentina ishin dy ekipet e fundit që mbetën në gara ndërkombëtare, por të dyja janë eliminuar në fazën çerekfinale të Europa dhe Conference League.
Për herë të parë pas 39 vitesh, Italia nuk ka asnjë ekip të pranishëm në fazën gjysmëfinale të Kupave Evropiane. Ngjarje të ngjashme kishin ndodhur për herë të fundit në sezonin 1986-87.
