Kryeministri Edi Rama ka bërë një falenderim për sekretarin e Departamentit Amerikan të Shtetit, Antony Blinken për urimin që ai ka bërë për 15-vjetorin e Shqipërisë në NATO.
Rama u shpreh se Shqipëria është e nderuar të qëndrojë krah për krah me aleatët aq më tepër me Shtetet e Bashkuara teksa vazhdon përshtatja dhe përkushtimi për të ruajture paqen dhe vlerat.
Reagimi i plotë:
Faleminderit sekretar Blinken. Ky 15-vjetor i anëtarësimit të Shqipërisë në NATO nuk është vetëm një festë e arritjeve tona të së shkuarës, por edhe një riafirmim i përkushtimit tonë të palëkundur ndaj parimeve dhe vlerave që mbështesin Aleancën tonë. Gjatë 15 viteve të fundit, Shqipëria ka kontribuar me krenari në mbrojtjen kolektive dhe sigurinë e NATO-s dhe ne mbetemi të palëkundur në përkushtimin tonë për të mbështetur paqen dhe vlerat demokratike në të gjithë rajonin tonë dhe më gjerë. Ne jemi të nderuar të qëndrojmë krah për krah me aleatët tanë, në radhë të parë Shtetet e Bashkuara, ndërsa vazhdojmë të përshtatemi dhe forcojmë bashkëpunimin tonë përballë sfidave globale në zhvillim. Ne presim shumë vite të tjera bashkëpunimi të frytshëm brenda familjes së NATO-s. Faleminderit për aleancën, miqësinë dhe partneritetin
