Për shkak të mungesës së Prokurorëve të SPAK-ut është shtyrë për në datë 8 Prill seanca e planifikuar për ditën e sotme për ish-kryeministrin Sali Berisha për revokimin e masës së sigurisë arrest shtëpie.
Avokatët e Berishës, Sokol Mëngjesi dhe Genc Gjokutaj janë paraqitur në ambientet e GJKKO në mëngjes, por gjyqtarja pasi konstatoi mungesën e organit të akuzës e shtyu seancën.
Berisha ka bërë disa herë kërkesë për ndryshim të masës së sigurisë, por ajo është refuzuar. Ish-kryeministri Berisha ndodhet në arrest shtëpiak që prej 30 dhjetorit të vitit të kaluar.
