Konferenca e Kryetarëve do të mblidhet ditën e sotme për të vendosur mbi kërkesën e shumicës socialiste për krijimin e një komisioni hetimor parlamentar duke pretenduar se disponon informacion për ndërhyrje të huaja armiqësore në mjedisin informativ shqiptar.
Sipas kërkesës, komisioni do të duhet të nxisë apo të hetojë rastet e ndërhyrjeve të huaja të karakterit dizinformues, financimet të huaja dhe ndikimin keqdashës ekonomik (të mundshëm) si dhe do të hartojë propozime të ndryshime ligjore për të trajtuar problemin.
Kryeministri Edi Rama tha se kjo është një punë “shumë e rëndësishme” e cila duhet të bëhet “menjëherë”. Tani pritet vendimi i Konferencës së Kryetarëve.
Në krahun tjetër kryetari grupit të PD-së, Gazment Bardhi ka paralajmëruar se do të ngrejë sot në mbledhje çështjen e mandatit të Olta Xhaçës, ku PS ka bllokuar në Kuvend vendimin e Gjykatës Kushtetuese.
Ndërkohë që mëngjesin e sotëm kreu socialist ka mbledhur drejtuesit e qarqeve në seli mbi organizimin e strukturave.
