Gjykata e Lartë ka rrëzuar kërkesën duke mos pranuar rekursin që bëri deputetja e Partisë së Lirisë, Monika Kryemadhi për heqjen e sekuestros për telefonin që i mori SPAK-u në kuadër të hetimeve të SPAK për lobimin e LSI-së në SHBA.
Pas Shkallës së Parë dhe Apelit, Gjykata e Lartë vulosi gjithçka duke lënë në fuqi provën që SPAK-u mori në duar. Hetimet vazhdojnë dhe ende priten letërporosi nga SHBA për të konkluduar me dosjen.
