Prokuroria e Napolit ka mbyllur hetimet për 48 persona, pjesë e tyre shqiptarë, rumunë e italianë të cilët akuzohen për një skemë mashtrimi bankar dhe postar ndaj dhjetra qytetarëve të cilët panë që llogaritë e tyre rrjedhëse zeroheshin shumë lehtë. Nga hetimet është zbuluar se ekzistojnë 50 goditje midis viteve 2016 dhe 2019, raporton ANSA.
Hetimet e para u përqendruan fillimisht në provincat e Caserta dhe Napolit, ku u zbulua baza operative e organizatës, e cila ishte e ndarë në 4 ‘celula’ të lidhura me njëra-tjetrën
Sipas prokurorisë, celula drejtohej nga 34-vjeçari shqiptar Anton Pllumbi, ajo e Villa Literno, në krye kishte Michele Pepe dhe Raffaele Squillante, celula në Castel Volturno drejtohej nga Carmine Costanzo, Rosalia De Bello dhe Francesco Ruggiero, dhe celula Marcianise, e drejtuar nga të dyshuarit Giacomo, Mario dhe Pierluigi Clarelli, Michele Comando dhe Raffaele Palmiero.