Pas publikimit të disa fotove me armë zjarri në rrjein social Tik-Tok është kontrolluar shtëpia dhe lokali i të dyshuarit.
Policia ka gjetur dhe konfiskuar 2 pistoleta me 4 fishekë brenda.
Në raportin 24 orësh të Policisë së Kosovës bëhet e ditur se rasti ka ndodhur të hënën rreth orës 10:10 në Denja të Rahovecit.
“Pas publikimit të disa fotove me armë zjarri në rrjetet sociale Tik-Tok, është kontrolluar shtëpia dhe lokali i të dyshuarit mashkull kosovar, ku i janë gjetur dhe konfiskuar dy pistoleta me katër copë fishekë. I dyshuari është arrestuar dhe me vendim të prokurorit, është dërguar në mbajtje”, thuhet në raport.
