Dueli çerekfinal Real Madrid-Manchester City sonte në mbrëmje është si një finale e parakohshme e Ligës së Kampionëve. Nga dy duelet e tyre të mëparshme doli kampion, Real Madrid në 2022 dhe Manchester City në 2023.
Numrat nga tre edicionet e fundit të Champions League janë elokuente për soliditetin dhe potencialin e të dyja skuadrave: 24 fitore për ekipin spanjoll krahasuar me 23 për anglezët, shumë larg vendeve të treta, Bayern Munich dhe Liverpool me nga 15.
Por ka edhe një fakt tjetër që e bën unike këtë përballje dhe ai është se në stolat e tyre janë dy trajnerët më të mirë në historinë e Champions League, dy kolosë të vërtetë, Anceloti-Guardiola.
Trajektorja e fundit e të dy pretendentëve i ka kthyer trajnerët e tyre aktualë në mbretërit e padiskutueshëm të kompeticionit, 4 për Ancelottin dhe 3 për Guardiolën.
