Seanca e sotme në parlament pritet që të jetë e tensionuar dhe me shumë debate. Pak përpara nisjes së saj, deputeti i PD-së, Dashnor Sula me dy bidona me qumësht në duar i ka derdhur në hyrje të sallës. Ai tha se bashkohet me protestën dhe thirrjet e blegtorëve se po i ‘vret’ tregu i huaj.
“Kostot janë shumë të mëdha. Të mos diskutojmë 10 përqindëshin për imputet e produkteve bujqësore. Qeveria nuk ka kohë të merret me blegtorët. Fondet janë të AZHBR-së.
Milion euro nuk merren nga fermerët por persona të caktuar që kanë devijuar fondet në ndërtim apo vende të tjera. Në mënyrë simbolike qumështin do ta derdh në dyert e Kuvendit për të kërkuar që qeveria të kthejë sytë nga fermerët” tha ai.
