Prokuroria e Tiranës ka sekuestruar një vilë 2-katëshe e cila ndodhej në zonën e Petrelës pasi rezultonte se ishte ndërtuar me letra të falsifikuara.
Kjo vilë ishte në pronës të Xhevdet Çelikut.
‘Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Tiranë, u vendos sekuestro preventive mbi një objekt ndërtimi dy kate në emër të shtetasit Xh.Ç. me sipërfaqe toke rreth saj 660 m2 në Kërrabë, Petrelë, pjesë e parcelës ku Prokuroria sekuestroi edhe 7 ndërtesa në formë vilash me strukturë betoni me sipërfaqe të ndryshme dhe me mbulesa të llojit çati dhe tarracë betoni.
Ndërtimet ishin formalisht të pajisura me leje rindërtimi, por që dokumentacioni tekniko-ligjor rezultoi me të dhëna të rreme.” thuhet në njoftimin e Prokurorisë.
