Shtatë persona janë vrarë dhe 21 janë plagosur në Sri Lanka pasi një makinë humbi drejtimin dhe përplasi spektatorët në një garë makinash.
Përplasja ndodhi në garën Fox Hill Supercross të dielën në Diyatalawa, një qytet bazë ushtarake.
Mes 7 të vdekurve ishin dhe 4 zyrtarë të garë si dhe spektatorë, gjithashtu edhe një vajzë 8-vjeçare.
“Ky aksident ndodhi kur makina u hodh nga korsia”, tha zëdhënësi i policisë Nihal Talduwa, sipas BBC Sinhala.
Sipas dëshmitarëve, përplasja ka ndodhur menjëherë pasi një makinë tjetër është përmbysur në pistë.
Zyrtarët u përpoqën të ngadalësonin makinat përreth vendit të ngjarjes duke tundur dritat e verdha, por ndërsa makinat kaluan me shpejtësi, një makinë e kuqe doli nga kursi dhe u përplas me spektatorët në anë të pistës së pambrojtur.
