Gjatë Komisionit Hetimor për Koncesionet dhe Shëndetësinë anëtarja e mazhorancës Klodiana Spahiu iu ka bërë thirrje burrave të mos ofendojnë dhe fyejnë gratë.
Mirëpo kësaj deklarate i është përgjigjur Edmond Spaho duke u shprehur se këtu nuk përfaqësojmë burrat dhe gratë por politikën dhe të drejtën.
“Me ato që po dëgjoj këtu po më kujtohet shprehja, mirë pse u çmendën të gjithë po përse në të njëjtën ditë. Zonja po na akuzon se ofendojmë gratë. Këtu s’jemi burra e gra por politikanë. Ju nuk duhet të talleni me ne. Ne ju respektojmë por duhet të respektoni. Ju kërkoni të hetohet nga 2006, tani thoni nuk kemi kërkuar të hetohen vitet e mëparshme. Kjo nuk ka të bëjë me të qenit burrë apo grua por kush thotë të vërtetën dhe kush është me serioz. Nuk kam parë në 30 vjet një Komision në gjendje të tillë.” tha Spaho.
