Në përfundim të protestës së 34-t para Kryeministrisë, organizatorët u bënë thirrje qytetarëve nga e gjithë Shqipëria dhe diasporës që të marrin pjesë në tubimin e paralajmëruar për ditën e nesërme në Tiranë.
Nga podiumi, ata apeluan për pjesëmarrje sa më të gjerë, duke ftuar qytetarët të bashkohen në protestë së bashku me familjarët dhe miqtë e tyre. Gjatë fjalës u shpreh gjithashtu shpresa që edhe personat e ndaluar pas protestës së mëparshme të jenë të pranishëm në tubim.
Organizatorët e cilësuan protestën e së nesërmes si një mobilizim mbarëkombëtar dhe u bënë thirrje shqiptarëve nga të gjitha trevat të mblidhen në kryeqytet.
