Gjatë natës së mbrëmshme antidroga në Tiranë kreu një megaoperacion, ku u godit një grup kriminal i cili shpërndante lëndë narkotike afër shkollave si dhe në lokale nate.
Në një deklaratë për mediat drejtori i policisë së Tiranës Tonin Vocaj, dha më shumë detaje për operacionin.
Vocaj u shpreh se ky hetim ndaj këti grupi kriminal ishte duke u zhvilluar prej 4 muajsh tashmë dhe se në total janë lëshuar 35 urdhër arreste. Masa e arrestit me burg është vendosur tashmë për 20 prej tyre ndërsa të tjerët janë ende në kërkim.
“Tempulli 3, në kuadër të cilit u godit një grup që shpërndante drogë afër shkollave si dhe në lokale nate.
Drejtoria vendore e Policisë Tiranë, ka zhvilluar kontrolle dhe operacione të individëve apo grupeve kriminale, që përpiqen të zhvillojnë aktivitetet kriminale si dhe përfshirjen e të rinjve.
Pas një hetimi 4 mujor me metoda speciale, si dhe hetuesve ekspertë u siguruan prova ligjore ndaj 35 shtetasve me veprimtari në fushën e krimit, në kuadër të cilit u vunë në pranga 20 persona si dhe u ekzekutua masa dënim me burg dhe ndaj 5 të tjerëve që ishin kapur më parë.
Ndaj 20 të arrestuarve është vendosur masa e sigurisë arrest me burg. Identiteti i tyre do të bëhet i ditur së shpejti.
Gjatë operacionit u sekuestruan 3.5 kg kokainë, 50 doza me heroinë, 100 doza kanabis, si dhe 5 automjete.
Nga hetimet rezultoi se këta shtetas shisnin lëndë narkotike afër shkollave si dhe lokaleve të natës” u shpreh ai.
Hashash dhe kokainë, 25 të arrestuar 5 në kërkim! Çfarë ndodhi gjatë natës në Tiranë?
