“Së bashku me Shqipërinë ne synojmë të luftojmë një betejë të përbashkët kundër trafikimit të qenieve njerëzore.” Kështu tha Ministri i Jashtëm i Italisë, Antonio Tajani, në Pallagorio, në provincën e Krotones në përkujtimin e njëqindvjetorit të vdekjes së Anselmo Lorecchio, ku mori pjesë edhe Presidenti i Republikës së Shqipërisë, Bejram Begaj.
“Është një projekt shumë i rëndësishëm – shtoi Tajani në përgjigje të një pyetjeje për marrëveshjen që parashikon ndërtimin e qendrave për emigrantët në Shqipëri, që do të shërbejnë për një veprim të përbashkët kundër trafikantëve të qenieve njerëzore.
Ne duam të presim emigrantë në Itali. Dekreti i fluksit i cili parashikon rreth gjysmë milioni emigrantë të rregullt, por ne duhet të luftojmë trafikantët e qenieve njerëzore që shfrytëzojnë njerëzit duke thënë se ata do të gjejnë parajsën në tokë në Evropë kur nuk është kështu” përfundoi ai.
