Mesditën e sotme Kosta dhe Kleoniqi Ilia, çifti i bashkëshortëve që u gjetën dje të vdekur në banesën e tyre në fshatin Bodrisht të Dropullit u përcollën për në banesën e fundit.
Të afërmit e ardhur nga Greqia dhe bashkëfshatarët i dhanë lamtumirën e fundit çiftit të moshuar. 4 persona janë shoqëruar nga policia pas ngjarjes së rëndë në fshatin Bodrisht në Dropull.
Kosta Ilia, 84 vjeç dhe Kleoniqi Ilia, 88 vjeçe, kishin në trup shenja të shumta dhune që dyshohet se janë shkaktuar nga goditjet me sende të forta. Hetimet vazhdojnë për të zbuluar misterin.
