Gjykata e Tiranës ka lënë në fuqi masën e arrestit me burg për 20 të ndaluarit në kuadër të operacionit “Tempulli 3”. Gjyqtari Dritan Hallunaj miratoi kërkesën e prokurorit Albert Demirneli.
Grupi sipas hetimeve të policisë dhe prokurorisë së kryeqytetit shpërndante lëndë narkotike në zona të ndryshme të kryeqytetit, lokale nate dhe shkolla.
Me anë të agjentëve të infiltruar janë blerë doza dhe sasi të ndryshme kokaine duke zbuluar dhe çmontuar rrjetin. Janë shpallur në kërkim dhe 10 persona të tjerë.
