Kryeparlamentarja Lindita Nikolla, me rastin e Pashkës, ka uruar të gjithë besimtarët ortodoksë.
Përmes një postimi në llogarinë e saj në rrjetin social “Facebook” në urimin e saj Nikolla shkruan se Krishti, prej errësirës së thellë u ringjall për të gjithë ne.
Postimi i plotë i Nikollës:
“Rrugëtimi i Krishtit është më i larti shembull i përkushtimit. Në natën e acartë të dimrit, Jezusi lindi për të gjithë ne. Në botën e trazuar ku jetoi, u shërbeu me përdëllim të gjithëve. Nga vuajtjet e shkaktuara prej zemërimit, urrejtjes dhe lëndimeve, u kryqëzua për të gjithë ne. “Me vdekje vdekjen shkeli” dhe prej errësirës së thellë u ringjall për të gjithë ne. Gëzuar Pashkën ortodokse!”, shkruan Nikolla.
