Një turiste gjermane është dërguar në Spitalin e Traumës pasi ka rënë nga ujëvara në zonën e Çarçovës.
Ajo ka pësuar lëndime serioze në kokë dhe pjesë të tjera të trupit.
Ndërkohë që gjendja e saj ka qenë në rrezik për jetën, është përcjellë para pak minutash me helikopter në drejtim të Spitalit të Traumës në kryeqytet.
Turistja gjermane me inicialet G.U. ishte pjesë e një grupi turistësh gjermanë, që ishin duke vizituar kurorën e gjelbër në Çarçovë dhe teksa ishte duke fotografuar, ka rënë ne ujëvarë, ku dhe është lënduar në kokë.
