Kryeministri Edi Rama ka adresuar çështjen e korrupsionit përballë deputetëve dhe ministrave.
Fjalimin në mbledhjen e Grupit Parlamentar, kryeministri e ka fokusuar tek qeverisja, ligji, korrupsioni dhe Nisma e Re Kombëtare për Shqipërinë 2030.
Rama foli për pastrimin që duhet bërë në çdo hallkë, përfshirë këtu edhe vetë partinë që ai drejton.
“Disa dalin dhe thonë se “nuk ka mundësi që të mos i dijë Rama horrllëqet”, por ose më dinë si veten ose nuk e kanë haberin si funksionon pushteti ekzekutiv.
Mbetet ende shumë punë për t’u bërë për imunizimin nga influenca e korrupsionit. Ne jemi të çarmatosur. Jemi e para parti politike në Shqipëri që ka dorëzuar një armë që të gjithë të tjerët e kanë” tha ai.
