Protestë dhe rezistencë në Bërxullë. Gjashtë familje kundërshtojnë shembjen e shtëpive që preken nga projekti Thumanë-Kashar. 6 familjet, që kanë në përbërje 32 anëtarë nuk janë në skemën e dëmshpërblimit për shkak se nuk kanë legalizime sipas IKMT-së. Disa prej familjareve kanë hipur tarracën e njërës prej shtëpive dhe kërcënojnë me hapa ekstreme.
“Ose na jepni shtëpi ose do të digjemi me benzinë. Bëmë kërkesë në komisariatin nr. 6 dhe na kthyen mbrapsht. Shteti na mashtroi. Premtoi se do të na japë shtëpi dhe nuk ka dhënë. Vetëm një ditë më parë na njoftuan për tu larguar nga shtëpitë. Na kanë dhënë vetë 3 vite bonus qiraje, por cfarë do të bëjmë ne me atë” thanë disa nga banorët.
