Ministri i Financave, Petrit Malaj, mbajti një konferencë për shtyp, ku foli për rritjen e kompensimeve të TVSH-së për fermerët shqiptarë, si dhe për rishikimin e masave të administratës tatimore në mbështetje të sektorit të bujqësisë.
Ministri Malaj njoftoi se kompensimi i TVSH-së për fermerët do të fillojë zyrtarisht nga data 1 korrik 2026, me një përfitim të shtuar prej 20% krahasuar me periudhën e mëparshme.
“Kompensimi i TVSH-së për fermerët do të nisë nga 1 korriku i vitit 2026. 5 642 është numri i fermerëve në transaksione me blerësit me TVSH, 20% më shumë krahasuar me 2025-ën. 448 është numri i blerësve me TVSH në transaksione me fermerët, 16.1% më shumë krahasuar me 2025-ën. 113 470 është numri i fermerëve me NIPT. Shuma potenciale për kompensim për 3 muajt e parë të këtij viti, rreth 400 milionë lekë.”
