Kryeministri Edi Rama ka mbajtur një konferencë së bashku me sekretarin e Jashtëm britanik David Cameron.
Rama ka folur për marrëdhëniet mes 2 shteteve të cilat sipas kryeministrit janë shumë të mira dhe do të vijojnë të thellohen.
“Sot kemi diskutuar për marrëdhëniet tona dy palëshe dhe thellimin e mëtejshëm të tyre. Kemi folur si në aspektin e marrëdhënieve si dy vende aleate në Nato qoftë në aspektin e marrëdhënieve bilaterale në kushtet kur Mbretëria e Bashkuar synon të jetë më e pranishme në vendin tonë. Jemi duke folur për një projekt me rëndësi të veçantë që është hekurudha Durrës Prishtinë, element kyç jo veç mes dy vendeve tona por në rajon e më gjerë. Duke pasur parasysh se ne hapim garën për portin e ri ndërkombëtar të Durrësit”, tha Rama.
