‘Bomberi’ kuqezi, Armando Broja tashmë ka mbyllur sezonin si i huazuar tek Fulham në Premier League. Një aventurë e cila nuk shkoi siç duhej, me shumë pak minuta në këmbë për shkak të zgjedhjeve të trajnerit të ekipit anglez.
Në një moment kur Sylvinho na bën të ‘mbajmë frymën’ për listën e lojtarëve që do shkojnë në Euro 2024, Armando Broja e ka bërë pritjen më të lehtë duke shuar dhe 1 kureshtje.
Sulmuesi 22-vjeçar është vetë-konfirmuar në listën e shumëpritur, kjo pasi ditën e sotme ai ka mbërritur në Tiranë.
Futbollisti ndodhet në ‘Air Albania’ si një tifoz i thjeshtë në “finalen e vogël” të kampionatit, mes Skënderbeut dhe Vllaznisë.
Por arsyeja kryesore e kësaj vizite në kryeqytet, është pikërisht përfshirja në listen e Sylvinhos, me Brojan që mund të nisi stërvitjen pak më herët nga pjesa tjetër e grupit.
