Kryeministri grek Kyriakos Mitsotakis i ka dërguar sërish një mesazh Maqedonisë së Veriut.
“Kur dikush e tërheq litarin, duhet të jetë gati dhe të këputet. Dhe nëse del nga kursi i rënë dakord, le ta dijë se do ta gjejë të mbyllur rrugën drejt Europës, rrugë e cila kalon nga Greqia dhe respektimi i së drejtës ndërkombëtare”, është shprehur Mitsotakis.
Gjithashtu ai ka folur për mosmarrëveshjet me Turqinë duke thënë se nuk duhet të jetojmë me gishtin në këmbëzë gjatë gjithë kohës.
“Dhe për shkak se disa njerëz në Greqi dhe Turqi ushqehen me krizën greko-turke, pyesni kritikët tanë për rezultatet e politikës sonë, të cilët shohin uljen e flukseve të imigracionit. Ose banorët tanë të ishullit që kanë parë rritjen e ekonomive lokale nga vizat për vizitorët turq. Shih edhe pozicionin e Greqisë në kontekstin ndërkombëtar. Konfrontim apo tentativë për të bashkëjetuar me fqinjin tonë kur pak më poshtë Lindja e Mesme është në flakë dhe në zemër të Evropës lufta është ndezur?” shton Mitsotakis.
