Ditën e sotme është konstituar Parlamenti i ri i Maqedonisë së Veriut që doli nga zgjedhjet. Me 76 vota pro, 6 kundër dhe asnjë abstenim, Afrim Gashi nga koalicioni VLEN u zgjodh kryetar i Kuvendit.
Në fjalimin e tij të parë pas marrjes së detyrës së kryetarit të Kuvendit, Afrim Gashi falënderoi të zgjedhurit për besimin e dhënë dhe tha se do të garantojë të drejtën e fjalës si për deputetët e qeverisë ashtu edhe për ata nga opozita.
Deputetët nga E Majta votuan kundër zgjedhjes së Gashit, ndërsa deputetët e Frontit Evropian të udhëhequr nga BDI nuk ishin të pranishëm në sallë.
