Dhoma e Avokatëve ka dënuar sulmin e fortë fizik ndaj avokatit Sokol Mëngjesi në orët e para të mëngjesit të sotëm në zonën e Bllokut në Tiranë. Ky institucion i kërkon drejtësisë që të zbulojë dhe arrestojë autorët e këtij sulmi.
Gjithashtu Universiteti i Tiranës dënoi sulmin ndaj avokatit Sokol Mëngjesi. “Universiteti i Tiranës dënon sulmin agresiv ndaj pedagogut të Fakultetit të Drejtësisë dhe avokatit Sokol Mëngjesi.
Ne presim dhe besojmë që policia dhe prokuroria të zbardhi sa më shpejt autorët dhe motivet e këtij sulmi kriminal dhe të rrezikshëm. Stafi i Universitetit të Tiranës është në këto momente pranë familjes së Sokol Mëngjesit. Urojmë shërim sa më të shpejtë të kolegut tonë Prof. Dr. Sokol Mëngjesi”, njoftoi UT.
Sokol Mëngjesi u dhunua nga tre persona mëngjesin e të mërkurës. Ai po dërgonte djalin në kopsht kur u godit. Autorët mbeten ende të paidentifikuar.
