Një 27-vjeçar në Maliq teksa ka qenë duke rregulluar çatinë e shtëpisë, ka rënë nga lartësia duke marrë dëmtime trupore.
Bëhet me dije se i riu K.M., ndodhet në spitalin e Korçës nën kujdesin e mjekëve, ndërsa pronari i banesës ndodhet në Komisariat. Po punohet për sqarimin e rrethanave të ngjarjes.
Njoftimi i Policisë:
Maliq/Informacion paraprak
Më datë 31.05.2024, rreth orës 13:15, në fshatin Pirg, Maliq, shtetasi K. M., 27 vjeç, banues në Pirg, duke rregulluar çatinë e banesës së shtetasit R. Z., dyshohet se është rrëzuar aksidentalisht nga çatia dhe ka marrë dëmtime trupore. Aktualisht 27-vjeçari ndodhet në spitalin e Korçës në kujdesin e mjekëve.
Ndërsa pronari i banesës, ndodhet në ambientet e Komisariatit, për veprime të mëtejshme.
Grupi hetimor po punon për sqarimin e rrethanave të ngjarjes.