Kryeministri Edi Rama ka publikuar një video-mesazh të gjatë për dokumentarin e “RAI3” duke akuzuar se investigimi ishte “bashkëprodhim italo-shqiptar i dy shfaqjeve të neveritshme”.
“Reportazhi ishte një baltë mbi Shqipërinë dhe shqiptarët. 5 kulla në Tiranë u duken 500 sepse nuk e kanë imagjinuar që Tiranë do të bëhet kjo dhe kjo është vetëm ajo që duket se nuk kanë parë gjë akoma. Prandaj hedhin baltë për të na pikturuar si mafiozë dhe kriminelë.
Ata e kishin me qeverinë e tyre, por kur fusin në valle edhe qeverinë tonë duke thënë se marrëveshja është bërë me një narko-shtet, ata shkelin mbi nderin tonë kombëtar.
Bashkëpunimi me një grusht shqiptarësh që nuk kanë din e imam, “RAI3” dha dy shfaqje të neveritshme të gjasme një gazetarie investigative. Shfaqja dukej si çorbw TIK TOK-u” tha ai.
