Në vazhdën e protestave të organizuara nga lëvizja “Shqipëria Bëhet”, Adriatik Lapaj, kreu i kësaj lëvizjeje, ka akuzuar me forcë qeverinë e Edi Ramës për lidhje me kartelet e drogës dhe për krijimin e një sistemi autokratik dhe të korruptuar.
Pas protestës para Kryeministrisë, ai u shpreh se Shqipëria është në një krizë të thellë, e cila po ndikohet nga abuzimet e pushtetit dhe mungesa e mundësive për qytetarët.
“Rama drejton një autokraci hajdutësh që e kanë vjedhur këtë vend. Ai është njeriu që qeveris me bandën e tij të hajdutëve, dhe ka lënë spitalet pa ilaçe. E ka blinduar Kryeministrinë, por asnjë lule s’u prek. Mielli që u hodh drejt policëve ishte simbolike, droga që e ka përfshirë këtë vend. Ne nuk e meritojmë,” – u shpreh Adriatik Lapaj para mbështetësve të tij.
