Deputeti socialist Lavdrim Krashi ka shpërthyer në kritika ndaj administratës shtetërore.
Në seancën dëgjimore me kryenegociatoren e Shqipërisë me Bashkimin Evropian për negociatat e integrimit, Krashi u shpreh se pak kohë i kushtojmë çështjes së integrimit në Bashkimin Evropian.
Sipas tij administrata shtetërore gjendet në një situatë për të ardhur keq.
“Përsa i përket administratës së shtetit nuk ka nevojë të jesh deputet i vendit, kryeministër apo qytetar i thjeshtë, pra administrata ta kuptoj që niveli i shërbimeve është për të ardhur keq”, tha Krashi.
Më tej ai shton se duhet të ishte hera e gjashtë që ta shikonte kryenegociatoren.
“U bë gati një vit e gjysëm, është hera e dytë që e shikoj kryenegociatoren e Shqipërisë dhe në fakt tani duhet të ishte hera e pestë që ta shikoj ose mund të them e gjashta, pra duhet ta shikoja një herë në tre muaj”, shpërthen Krashi.
