Ditën e nesërme me 5 qershor kryeministrja italiane Giorgia Meloni pritet për një vizitë në Shqipëri.
Vizita e kryeministres italiane vjen në kuadër të javës italiane të kulturës në Shqipëri.
Meloni pritet që të mbërrijë rreth orës 12:20 dhe do të takohet me kryeministrin Rama ku do të flasë rreth protokollit të bashkëpunimit Itali-Shqipëri për çështjet e migracionit.
Pas takimit ajo do të shkojë në Shëngjin e shoqëruar nga kryeministri Rama.
Meloni do të inspektojë dy qendrat e pritjes së emigrantëve në Shëngjin dhe Gjadër të Lezhës ku kanë nisur punimet prej gati dy muajsh.
