Dje Kosova festoi 25 vjetorin e çlirimit. Analisti Milazim Krasniqi përmes një postimi në rrjetet sociale shkruan se katër gjeneralë kanë vulosur kufijtë e Shqipërisë dhe Kosovës. Sipas tij bëhet fjalë për dy gjeneralë amerikanë, një gjeneral osman dhe një italian.
“Dy gjeneralë të huaj i kanë vulosur kufijtë e Shqipërisë: gjenerali osman, Hasan Riza Pasha në Shkodër dhe gjenerali italian Enriko Telini në jug. Të dy u vranë në krye të detyrës. Ndërsa këta kufi që ka Kosova, i siguruan dy gjeneralë tjerë, amerikani Ueslli Klarku dhe gjenerali britanik Majkll Xhekson.
Në fakt, kufijtë e Kosovës edhe më tutje mbrohen nga gjeneralë e ushtarë të huaj. Nëse do ta mbanim në kujtesë këtë fakt, do të ishim më modest, më mirënjohës, më të përgjegjshëm”, ka shkruar Krasniqi.
